အလုပ်ဝင်ပြီဆို လေ့ကျင့်ခန်းရယ် လို့ တိတိကျကျ မလုပ်ဖြစ်ကြတော့ပါဘူး။ ကျွန်မကိုပဲ ကြည့်။ တစ်နေ့တစ်နေ့ ထိုင်ခုံမှာထိုင်လိုက်၊ အလုပ်လေး ထလုပ်လိုက်နဲ့။ :D ပြန်လာတော့ ပင်ပန်းတာလေး အကြောင်းပြ၊ တီဗီလေး ထိုင်ကြည့်၊ စာလေးနည်းနည်း ပါးပါး ဖတ်ပြီး အိပ်တော့တာပဲ။

တစ်နေကုန်  အလုပ်မှာ ထိုင်နေရတာလည်း ပင်ပန်းတာပါပဲ။ ခါးနာ၊ ဇက်ကြောတက်၊ ဗိုက်ခေါက်ထူတာ သူ့ရဲ့ အကျိုးတွေပေါ့။  ဒီ တစ်ခေါက်တော့ Forbes မဂ္ဂဇင်းမှာ တင်ထားတဲ့ အလုပ်ခွင်မှာ လုပ်နိုင်မယ့် လေ့ကျင့်ခန်းလေးတွေ ဝေမျှလိုက်ပါတယ်။
 



 ဒါကတော့ ကွန်ပြူတာ တစ်နေ့လုံး သုံးရတဲ့ သူတွေအတွက်ပါ။ လက်ကို လက်ကောက်ဝတ်ကနေ ၁၅ စက္ကန့်လောက်ဖိပြီး တစ်နေကုန် စာရိုက်ရလို့ ညောင်းနေတဲ့လက်က အကြောလျှော့ပေးနိုင်ပါတယ်။


 ညာဘက်လက်ကို စားပွဲပေါ်တင် ဘယ်ဘက်လက်ကို ဘေးမှာထား၊ ဘယ်ဘက်သို့လှည့်ပြီး ၁၀ စက္ကန့် ထိန်းပါ။ ညာဘက်ကို လည်း အလားတူ ပြုလုပ်ပါ။

Hewo :)

ဒီတစ်ခါ ပေါ့ပေါ့ပါးပါး ဒီတလော မြတ်ကြည်သဘောကျနေတာလေးတွေကို စုပြီးရေးမလားလို့...


 ဟိုနေ့က အလုပ်က အစ်မက လက်သည်းနီ ဆိုးချင်တဲ့ သူ ဆိုးလို့ရအောင် သယ်လာပေးတယ်။ တစ်ဘူးလုံးက အလှတွေချည်းပဲ။ မင်္ဂလာဆောင်သွားဖို့ရှိတော့ ဝတ်ဖို့ စီစဉ်ထားတဲ့ အရောင်က အနီရောင်ဖြစ်နေတာနဲ့ အောက်ခံကို ကြက်သွေးရောင်ဆိုး၊ လက်ထိပ်ကို ရွှေရောင် လေးတင်လိုက်တယ်။




သူများတွေ challenge ခေါ်ရင် ပို့စ် ပြန်တင်ပြီး challengeကျ ပြန် မခေါ်ဖြစ်ဘူး။ ဒီ တစ်ခါတော့ ရေးရကျိုးနပ်အောင် ခေါ်လိုက်မယ်နော်။ October Favorites ခေါင်းစဉ်လေးနဲ့ ဒီ တစ်လ အတွင်း သဘောတွေ့နေတဲ့ ဘယ်အရာမဆို ရေးလို့ရပါတယ်။

လိုက်ရင် ဇစ် တွေ ချိန်းတွေ သံချေးမတက်နိုင်တော့ပါဘူး။

အိတ်ထဲမှာ စုံပလုံစိအောင် မိတ်ကပ်တွေ၊ hand cream တွေ ပစ်ထည်၊ အဖုံး လုံအောင် မပိတ်မိလိုက်လို့က သွားပြီ သွားပါပြီ။ :P ယိုဖိတ်နိုင်တာဟာလေးတွေကို သပ်သပ် ဇစ်အိတ်သေးသေးလေးနဲ့ ထည့်ထားလိုက်ရင် အိတ်ထဲကို တိုက်ရိုက်ယိုဖိတ်တာလည်း ကာကွယ်၊ ဣစ္ဆသရ အိတ်ထဲကနေ လိုချင်တာရှိတိုင်း မွှေနှောက်ရှာရတဲ့ ဘဝက ကျွတ်သွားပါလိမ့်မယ်။ :)

သားရေ leather အိတ်တွေ အချိန်ကြာလို့ အရောင်မထွက်တော့ရင် ဟင်းရွက်ဆီနဲ့ တိုက်ပေး လို့ရပါတယ်။  အသစ်တိုင်း ပြန် တောက်ပြောင်သွားမှာနော်။


အဖြူရောင် အိတ်တွေ၊ အရောင်နုနုတွေ ကိုင်ရင် ကျွန်မတို့ အရမ်းသတိထားရတယ်။ ဟိုဟာနဲ့ စွန်း ဒီဟာနဲ့ ပေဆို၊ သိပ်သိသာတာပေါ့။ Rubbing alcohol လေး ဆောင်ထားရင် ဘာပဲပေပေ အလွယ်တကူဖျက်လို့ရပါတယ်။

စာဖတ်သူတွေရော အိတ်အတွက် နည်းလမ်းကောင်းလေးတွေ ရှိလား? ရှိရင် ဝေမျှပေးသွားပါဦးနော်။

Have a nice day :)
www.facebook.com/thanakharmay

ဝါကျွတ်ပြီဆိုတော့ မင်္ဂလာဆောင် ရွှေလက်တွဲ ဖို့ ပြင်ဆင်နေကြလောက်ပါပြီနော်။ တချို့တွေလည်း ပြင်ဆင်ပြီးလောက်ပြီ။ ရေးတာ နောက်များကျနေသလား မသိဘူး။ :P မင်္ဂလာဆောင်အတွက် အသုံးဝင်မယ်ထင်တဲ့ အရာလေးတွေကို စုဆောင်းပြီး ဖော်ပြလိုက်ပါတယ်။ သူငယ်ချင်းထဲ မင်္ဂလာဆောင်မယ့်သူရှိရင်လည်း ကူညီလို့ရတာပေါ့။ :)
 
1. ကြိုတင်ပြင်ဆင်ပါ


အရင်ဆုံး ကိုယ် ဘယ်လို မင်္ဂလာဆောင်မျိုးဆောင်ချင်သလဲ ? ဘုန်းကြီးကျောင်းအလှူလား၊ စုလျားရစ်ပတ် လား၊ ဟိုတယ်မှာ ဧည့်ခံပွဲလား၊ မြန်မာလိုလား၊ အင်္ဂလိပ်လိုလား၊ ညစာလား၊ outdoor wedding လား ပေါ်မူတည်ပြီး လိုအပ်တာတွေက မတူနိုင်ပါဘူး။ လိုအပ်တာတွေများလေလေ ပြင်ဆင်ချိန် ပိုများလေပါပဲ။

မင်္ဂလာဆောင် တစ်ခုအတွက် စဉ်းစားကြပြီဆိုပါစို့။ လိုအပ်မယ့် အရာလေးတွေ ချ ရေးလိုက်ရအောင်နော်။

မဖြစ်မနေ
1. နေရာ
2. ဝတ်စုံ
3.မိတ်ကပ်
4. ဖိတ်စာ
5. ဓာတ်ပုံ

Optional
1. ဘိတ်သိက် ဆရာ
2. အရံ၊ ပန်းကြဲ၊ ဗန်းကိုင် + ဝတ်စုံ
3. ပန်း / ကား အလှဆင်
4. လက်ဝတ်လက်စား
5. တီးဝိုင်း
6. ဗီဒီယို
7. pre-wedding ဓာတ်ပုံ
8. လက်ကမ်း


တော်တော်များများကို အနည်းဆုံး သုံး လလောက် ကြိုပြီး လုပ်ထားတာ ကောင်းပါတယ်။ မင်္ဂလာဆောင်များတဲ့ တချို့ နေရာတွေဆို လိုချင်တဲ့ ရက်ကို နှစ်ပေါက်အောင် ကြို လုပ်ရတာတွေရှိတယ်။ အထူးသဖြင့် စနေ၊တနင်္ဂနွေတွေ။ Pre-wedding ဆိုလည်း ပြင်ပြီး board ထောင်တဲ့ ဓာတ်ပုံထွက်ဖို့ တစ်လခွဲလောက်ကြာပါတယ်။

အဲလိုပဲ ပွဲနေ့မတိုင်ခင် မိတ်ကပ်ဆရာနဲ့ ညှိပြီး ကိုယ့်စိတ်ကြိုက်ပုံထွက်အောင် ကြိုပြင်ကြည့်၊ တကယ့်နေ့မှာ၊ လိုချင်တာ တခြား၊ ထွက်လာတာ တစ်မျိုး မဖြစ်တော့ဘူးပေါ့။ ကိုယ်က အဲဒီနေ့အတွက် မင်းသမီးလေ။

ဝတ်စုံဆိုရင်တော့ ပွဲနေ့မတိုင်ခင် တစ်ပတ်မှာ fitting ပြန်ချ ဖို့လိုလိမ့်မယ် ထင်တယ်။ ဘယ်လောက် ကြိုချုပ်ချုပ် ဝလာတာတို့၊ ပိန်သွားတာတို့လည်းရှိသေးတယ် မဟုတ်လား?


2. မဖြစ်မနေတွက်ရမယ့် Budget

 မင်္ဂလာဆောင်တာ မိန်းကလေးတွေအတွက်  တစ်သက်မှာ တစ်ခါဆိုတော့ အားလုံးက perfect ဖြစ်ချင်ကြတာပါပဲ။ ဒါပေမယ့် မင်္ဂလာဆောင်တာ တစ်ရက်တည်းပြီးပေမယ့် နှစ်ယောက်ဘဝက တစ်သက်လုံး ဆက်လျှောက်လှမ်းရမယ့် ရေရှည်စီမံကိန်း တစ်ခုပါ။ ဒါကြောင့် စုထားတဲ့ အထဲက ဘယ်လောက်ကို မင်္ဂလာဆောင်အတွက် သုံးမလဲ၊ ဘယ်လောက်ကို နောင်ရေးအတွက် ချန်မလဲစဉ်းစားကြည့်ဖို့လိုပါတယ်။
 
ကိုယ် ကန့်သတ်ထားတဲ့ amount ကျော်နေပြီဆို ဘယ်နေရာ လျှော့မယ် စ တာတွေ  eg. ဟိုတယ်မှာ လူ ၄၀၀ အစား ရင်းနှီးတဲ့  လူ ၂၀၀ ကိုပဲ လျှော့ဖိတ်မလားပေါ့။


3. အကူအညီ ယူပါ။

 မင်္ဂလာမဆောင်ခင် တစ်ပတ်လောက်အလိုဆို အေးအေးဆေးဆေး ထိုင်နေဖို့ ကောင်းနေပါပြီ။  တကယ့်နေ့လည်း ရောက်ရော ဇနီးမောင်နှံနှစ်ယောက် ခြေကုန်လက်ပန်းကျပြီး မျက်တွင်းဟောက်ပက်နဲ့ဆို ကြည့်လို့မကောင်းပါဘူး။

 ပြင်ဆင်တဲ့ နေရာမှာ ကိုယ်တိုင် အကုန်လိုက်လုပ်စရာ မလိုပါဘူး။ Best man တို့ သတို့ သမီးအရံတို့ က ဒီအတိုင်း ထားတာမှ မဟုတ်ပဲနော်။ မိဘမောင်နှမတွေ၊ သူငယ်ချင်းတွေက ဒီလို ကိစ္စတွေဆို ဝိုင်း လုပ်ချင်လွန်းလို့။ အဲလို အတူတူ လုပ်တာက သူ့ မိသားစု၊ ကိုယ့် မိသားစု၊ သူနဲ့ ကိုယ့် အသိုင်းအဝိုင်း ရင်းနှီးမှု ပိုလာစေပါတယ်။



အခုခေတ်မှာ သိပ်အပင်ပန်းခံစရာမလိုပဲ wedding planner တွေလည်းရှိပါတယ်။ တချို့ တွေမှာ သူတို့ အတွက်က co-operative ဈေးတွေ နဲ့ရတာမို့ တခါတလေမှာ ပိုသက်သာတာတောင်ရှိပါတယ်။


4. နှစ်ဘက်ညှိပါ။

မလိုဘူး ထင်ရင်ထင်လိမ့်မယ်။ တကယ်တော့ ဟိုဘက် ဒီဘက် တကြပ်ကြပ် ဖြစ်ဆုံး အချိန်က ဒီလို အချိန်ပါ။ သူတို့ မဆောင်ပေးရတိုင်းချဲ့တယ်တို့၊ ငါတို့မိန်းကလေးရှင်က ဒီလောက်တော့ တောင်းဆိုရမှာပေါ့တို့ ဘာတို့ပေါ့။ နှစ်ဦးစလုံး ဘယ်ဘက် ပါရမယ်မှန်းမသိ ခေါင်းစားရတာပေါ့။ ကိုယ့်ဆုံးဖြတ်ချက်နဲ့ ကိုယ့်မို့ နှစ်ဦးသဘောအတိုင်း သင့်တော်သလိုလုပ်မှာဖြစ်တယ်ဆိုတဲ့ အကြောင်းကြိုပြောထားတာ အန္တရာယ်ကင်းတယ်။ ဆောင်ပြီးရင် ဘယ်သူ့အိမ်မှာနေမယ်၊ လစာကို ဘယ်လောက်ကို အိမ်အတွက်သုံး၊ ဘယ်လောက်ကို မိဘအတွက်၊ စတာတွေလည်း ကြိုပြီး ညှိထားဖို့လိုပါတယ်။ နို့မို့ဆို honey moon က ပြန်တာနဲ့ စ ရန်ဖြစ်ရပါလိမ့်မယ်။ :D


5. အပိုလက်ဆောင် :)

နေရာ၊ အကျွေးအမွေး၊ ဝတ်စုံ၊ ဓာတ်ပုံ ကနေ ပျားရည်ဆမ်းခရီးအထိ စုံစမ်းလို့ရမယ့် ဖုန်းနံပတ်လေးတွေကို ဒီဝါကျွတ်လက်ဆောင်အနေနဲ့ ဝေမျှလိုက်ပါတယ်နော်။ ^__^

 ကိုယ့်အလှည့်ကျရင် အသုံးဝင်ရင် ဝင်မှာမို့ save ထားဖို့ မမေ့နဲ့နော်။ :D

 


 

 သာယာပျော်ရွှင်ဖွယ်နေ့ရက်လေးတွေကို ပိုင်ဆိုင်နိုင်ကြပါစေရှင်။ :)

Please visit http://www.facebook.com/thanakharmay for more updates

 
Photo Credit: Susan's wedding guide >>
 https://www.facebook.com/susanweddingguide

(မင်္ဂလာဆောင်အတွက် လမ်းညွှန်စာအုပ် myanmar)

ခေတ်ပဲ တစ်ပတ် ပြန်လည်လာတာလား မသိနော်။ ဆံပင်ကို အတိုအကပ်လေးတွေ၊ ဂုတ်ဝဲလေးတွေ ပြန်ညှပ်လာတာ တွေ့မိတယ်။ အသစ်ပေါ်လာတာ လေးတွေက pixie cut လေးတွေပေါ့။ နောက် တစ်မျိုးက ဆံပင် ဂုတ်ဝဲလေးတွေကို ပြန်ခွေတာလေးတွေ။  

 ရာသီဥတုက ကိုယ့်ဘက်မှာမရှိလို့ အေးရာအေးကြောင်း တိုတိုညှပ်ဖို့ စိတ်ကူးနေသူတွေအတွက် ဒီနှစ်၂၀၁၄ မှာ ခေတ်စားနေတဲ့ ဆံပင် အတို ပုံစံလေးတွေ ပြန်လည် ဝေမျှလိုက်ပါတယ်နော်။














ဆံပင် ညှပ်ဆိုင် သွားတဲ့ အခါ ကိုယ်ကြိုက်တဲ့ ပုံစံ လက်ညှိုးထိုးပြလိုက်ရုံပဲ။
တချို့ပုံစံလေးတွေက curling iron လေးနဲ့ အပြင်မသွားခင် ပြန် ပုံစံသွင်းဖို့  လိုတယ်နော်။
Yay or Nay???
 
တစ်လကို ၄ ပုဒ် ရအောင် ရေးမယ်ဆိုပြီး အားခဲထားတာ ဒီတစ်လတော့ တာဝန်မကျေလိုက်ဘူး။
 ~ 미안 해요 ~
အလှတွေ ပိုနိုင်ကြပါစေရှင်။ :)

www.facebook.com/thanakharmay

 မြတ်ကြည်တို့ မိန်းကလေးတွေတော်တော်များများက ကိုယ့်ကို နားလည်ပေးမယ့်သူ ကိုယ့်ကို ပျော်ရွှင်စေနိုင်မယ့်သူ တဘဝစာ တမြတ်တနိုး ချစ်နိုင်မယ့်သူ လိုချင်ကြတာချည်းပါပဲ။  ခက်တာက မှန်းထားသလို ဖြစ်မလာတာ။ (စိတ်ဓာတ်ကျအောင်ပြောတာ :P)

အခုနေဒီဆောင်းပါးလေးကို ဖတ်နေတဲ့ ပျိုမေတွေမှာလည်း  propose လုပ်ထားတဲ့ သူတွေ၊ သဘောကျတဲ့သူတွေရှိလို့ ချစ်သူ ထားသင့် မထားသင့် စဉ်းစားနေတဲ့သူတွေရှိကြမှာပါ။ ဘိုင်သဝေး သီတင်းလည်း ကျွတ်တော့မယ်။ ^__^
အဲလို စိတ်ကူးနေပြီဆို အဖြစ်မနေထည့်တွက်ရမယ့် ဒီအချက်လေးတွေ ဖတ်ကြည့်ပါနော်။



အချိန်ယူပါ။

ကိုယ့်ကို သဘောကျနေတဲ့ သူက ဘယ်လိုလူမျိုးလဲ? ဆုံးဖြတ်ချက်ဆိုတာ မြန်မြန်ချလို့ ကောင်းတဲ့ အရာထဲမှာမပါပါဘူး။ ရုပ်လေးသနားကမား၊ အပြောလေးကောင်းရုံနဲ့ လက်ခံဖို့မလုံလောက်ပါဘူး။ ကိုယ့်ကို ပြောတဲ့ စကား တခြား မိန်းကလေးတွေကိုလည်း ပြောချင်ပြောနေမှာလေ။ ယောက်ျားကတိစကား ဘယ်လောက်တည်လဲ၊ အပြောနဲ့ အလုပ်ညီလား ကြည့်ရမှာပေါ့။ ကိုယ့် အပေါ်ကို မဟုတ်ဘူးနော်။ သူများ အပေါ်ကို။ ကိုယ့်အပေါ်ဆိုရင်တော့ ကိုယ့်  အချစ် ရချင်လို့ ကောင်းတာတွေပဲ လုပ်ရင်လုပ်ပေးလိမ့်မယ်။ ဒါကို ကိုယ့်တစ်ယောက်တည်းအပေါ်ပဲ ကွက်ကောင်းတယ် မမြင်ပါနဲ့။ သူများအပေါ် မကောင်းတဲ့သူတွေဟာ အတ္တကြီးတဲ့သူတွေများတယ်။ ကိုယ့်အပေါ်လည်း အချိန်အကြာကြီးမကောင်းပေးနိုင်ပါဘူး။

တစ်ယောက်တည်း နေပျော်လား?

 ဘာဆိုင်လို့တုန်း? ဆိုင်တယ်။ :) တစ်ယောက်တည်းမို့ မပျော်ဘူး။ ချစ်သူလေးတစ်ယောက် အနားမှာရှိမှ ပျော်ဖို့ကောင်းမှာ။ ကိုယ့်ဘာသာတောင် ပျော်အောင်မနေနိုင်တာ။ သူများက ပျော်အောင် လုပ်ပေးနိုင်မယ်မထင်ပါနဲ့။ စိတ်ညစ်စရာတွေတောင်ပေးချင်ပေးဦးမှာ။ လူတစ်ယောက်ဟာ ကိုယ်မဟုတ်တဲ့ တခြားတစ်ယောက်အတွက် အမြဲတမ်း ပျော်ရွှင်စရာတွေ မဖန်တီးနိုင်သလို အချိန်တိုင်းလည်း ဂရုစိုက်မှု အပြည့်မပေးနိုင်ပါဘူး။ မယုံရင် အိမ်ထောင်ကျပြီးသား အသိအစ်မတွေကို မေးကြည့်ကြည့်နော်။ :) ကိုယ့်ရဲ့ စိတ်ပျော်ရွှင်မှု သူများ လက်ထဲ မပုံအပ်ထားတာ အကောင်းဆုံးပါပဲ။


Don't attract attention in a wrong way

ကိုယ်ကိုယ်တိုင်က အမြဲတမ်း ဟော့ဟော့လေးတွေ ရွေးဝတ်တတ်သူလား? ကလပ်တို့ ဘားတို့ကို သွားလေ့ရှိသူလား? ကလပ်တို့ ဘာတို့မှာ လူကောင်း မရှိနိုင်ဘူးလို့ ပြောတာမဟုတ်ပါဘူး။ ကိုယ်အပေါ် အလေးမထားတဲ့ ယောက်ျားတွေကို တွေ့ဖို့ ရာခိုင်နှုန်း ပိုများတာကို ပြောချင်တာပါ။ အဲလိုနေရာကို သွားလေ့သွားထ ရှိသူတွေဟာ အပျော်တွဲဖို့လောက်ပဲ ခေါင်းထဲထည့်တဲ့သူတွေ များပါတယ်။ သူများ အမြင်မှာ ကိုယ့်အပြင်အဆင်ရယ်၊ တွေ့တဲ့ နေရာတွေကိုကြည့်ပြီး လွယ်လွယ်ရနိုင်တဲ့ မိန်းကလေးဆိုပြီး အထင်ခံရရင် မကောင်းပါဘူး။

 Perfect ဖြစ်ရန်မလိုပါ

ကိုယ်ဟာ ကိုယ်ပဲ ဖြစ်ပါစေ။ မြတ်ကြည်ပြောတာ ဖတ်တာလည်းဖတ်ပေါ့နော်။ ဟိုလို နေရင် ယောက်ျားလေးတွေ သဘောကျမယ် ဒီလိုဆိုရင် ပိုချစ်မယ်ဆိုပြီး သူအချစ်ခံရအောင် ကိုယ့်ဘဝကြီး ကိုယ့်စိတ်နဲ့ကိုယ် မနေရတာတော့ မဟုတ်သေးဘူး ထင်တာပဲ။ ပြီးပြည့်စုံတဲ့သူဟာလည်း ဘယ်တော့မှမရှိနိုင်ပါဘူး။ ကိုယ့်  ချစ်သူအပါအဝင်ပေါ့။ အကျင့်ဆိုတာ တချိန် မဟုတ် တချိန် ပေါ်လာမှာ။ ကိုယ် ရှာရမယ့်သူက ကိုယ့်အားနည်းချက် ကိုယ့်အကျင့်စရိုက်တွေကို လက်ခံနိုင်မယ့်သူ၊ သူရဲ့  အားနည်းချက်ကိုလည်း ကိုယ်က နားလည်ပေးနိုင်တဲ့ အနေအထားရှိဖို့ပါပဲ။  ယောက်ျားကောင်းတစ်ယောက်ရဲ့  တာဝန်သိမှု၊ သစ္စာရှိမှု၊ သနားကြင်နာမှု ရှိရင် ပြည့်စုံသလောက်ရှိပါတယ်။ 


ကိုယ်လိုချင်တာ ကိုယ်သိပါစေ။

ဒီ relationship မှာ ကိုယ်လိုချင်တဲ့ အချက်တွေ မရှိဘူး မဟုတ်လား? မှန်ကန်တဲ့ လမ်းကြောင်းပြန်ပြင်ဖို့ ဝန်မလေးပါနဲ့။ တချို့မိန်းကလေးတွေက သူတို့ကောင်လေးတွေ သူတို့ အပေါ်မကောင်းဘူးဆိုတာ သိသော်ငြား၊ မထူးဇာတ်ခင်းပြီး relationship ကြီး အဓွန့်ရှည်ဖို့ဆိုပြီး စိတ်ဆင်းရဲခံကြပါတယ်။ ကိုယ့်အပေါ် နိုင်လိုမင်းထက် လုပ်တဲ့သူနဲ့လည်း လက်ထပ်ကြပါရဲ့။ ပြီးတော့ တသက်လုံး စိတ်ဆင်းရဲခံသွားကြလေသတည်းပေါ့။ ပတ်ဝန်းကျင်က ပြောတော့ ပြောကြမှာပါပဲ။ ဒါပေမယ့် ကိုယ့်ဘဝက ကိုယ်နဲ့ပဲဆိုင်တာမို့ အဆင်မပြေနိုင်ဘူးဆိုတာ သိတယ်ဆိုရင် နောက်ဆုတ်ဖို့ ဝန်မလေးကြပါနဲ့နော်။ နောက်ကျတယ်ဆိုတာမရှိပါဘူး။



 လက်ရှိအခြေအနေကိုပဲ ကြည့်ပါ

မိန်းမလည်တွေ ဘာကြောင့် ယောက်ျားကောင်းကောင်းရကြသလဲ? သူတို့က လက်ရှိအခြေအနေကိုပဲ ကြည့်ပါတယ်။ လက်ရှိမှာ သူတို့ လိုချင်တဲ့ အရည်အချင်းရှိရင် ကောက်ဆွဲထားလိုက်တယ်။ ရိုးရိုးသားသား မိန်းမသားတွေလို မကောင်းတဲ့ အချက်ရှိရင် သူ့ကို ငါ ပြောင်းလဲနိုင်မယ်၊ မပြည့်စုံသေးခင် အတူတူကြိုးစားပြီး ပါရမီဖြည့်ပေးမယ့်တို့ စိတ်မျိုးမထားကြပါဘူး။ အနစ်နာခံခဲ့ရတဲ့ မိန်းမသားတွေဟာ ဝေဆာလာတဲ့ အချိန်မှာ ထုတ်ပိုးပြီးသားလေးတွေကို မိန်းမလည်တွေကို ပေးလိုက်ရတာများတယ်။

တန်ဖိုးရှိပါစေ

" ကျော့ကျော့မော့မော့ နေနိုင်ဖို့ ပိုက်ဆံရှိတဲ့ ယောက်ျားရွေးယူစို့" ဆိုတဲ့ အမြင်လည်း ပြောင်းသင့်ပြီ မြင်တာပါပဲ။ ပညာတတ် မိန်းကလေးတစ်ယောက်ဟာ ကိုယ့်ဘာသာကိုယ်ရှာနိုင်နေပြီပဲ။ ပိုက်ဆံပဲရှိပြီး တခြားဘာမှမရှိတဲ့သူနဲ့ တသက်လုံးနေသွားဖို့က လွယ်ကူတဲ့ ကိစ္စမဟုတ်ပါဘူး။ ကိုယ့်ခြေထောက်ပေါ် ကိုယ်ရပ်တည်နိုင်သရွေ့ ကိုယ်နဲ့အဆင်ပြေတဲ့သူ မတွေ့လည်း စိတ်ညစ်စရာမရှိပါဘူး။


အချစ်လို့သာ ခေါင်းစဉ်တပ်ရတယ်၊ ပြန်ဖတ်ကြည့်တော့ နည်းနည်း pessimistic ဆန်နေသလိုပဲ။ :P မြတ်ကြည် က တော့  တစ်ယောက်တည်းပဲတွဲ တစ်ယောက်တည်းပဲယူမယ်လို့ တွေးထားရင် ချစ်သူမဖြစ်ခင်ကတည်းက အချိန်ယူပြီး စဉ်းစားစေချင်တယ်။ ချစ်သူဖြစ်ပြီးလည်း လက်ထပ်ဖို့ကို တွေးရဦးမှာပဲ။ 

ဒီဆောင်းပါးလေးနဲ့ အစ်မဆန်းထွန်း၊ အစ်မဒိုးကန်၊ ကန်ဒီနဲ့ အသူ ခေါ်ထားတဲ့ challenge တွေကို  နှစ်ပတ် မပြည့်ခင်လေး ပြန်လည်ချေပ လိုက်ပါတယ်နော်။ ^.^

 သာယာပျော်ရွှင်ဖွယ်နေ့ရက်တွေကို လျှောက်လှမ်း နိုင်ကြပါစေရှင်။ <3
 လတ်တလော

Homesick - အိမ်မပြန်တာ တစ်နှစ်ပြည့်တော့မယ်ထင်တယ်

  လက်တလော celebrities တွေကြားမှာ  ခေတ်စားနေတဲ့ ကျောပြောင် ဂါဝန်တွေအတွက်ဆို ဒီ backless bra တွေက အသင့်တော်ဆုံးပါ။ ကျောလေး ဖော်ချင်ပါတယ်ဆိုမှ bra  ကြိုးက တရှုပ်ရှုပ် မဖြစ်တော့ဘူးပေါ့။ Backless bra ကခါး နေရာမှာ ပြန်ချိတ်ထားတာဆိုတော့ အရှေ့လေးတင် ကပ်တဲ့ silicon bra  တွေလို ဘယ်အချိန် ကပ်ထားတာ ပြုတ်ထွက်မလဲ ပူစရာမလိုဘူးပေါ့နော်။

ညပွဲတက်ရှိလို့ ရင်ညွန့်လောက်ထိ ဟိုက်တဲ့ V shape လည်ဟိုက် အကျယ် လေးတွေဝတ်တဲ့ အခါ တခြားက ပြသနာမတက်ဘူး။ bra ဘေးသားကထွက်ထွက်လာတာ။ ထွက်လာတဲ့ braကို ပြန်ဖုံး၊ ပဲနဲ့ကလည်းစားရသေး။ ခဏမကြာပါဘူး ပြန်ပေါ်၊ ပြန်ဖုံးရ အလုပ်ကိုရှုပ်ရော။ ရင်သားကို ခြားထားတဲ့ plunge bra လေးတွေက ဒီပြသနာကို ဖြေရှင်းပါလိမ့်မယ်။ အဲလို plunge လေးတွေမှာ  push-up လေးပါ တွဲပေးထားတယ်ဆိုရင်တော့ အတိုင်းထက်အလွန် ဝယ်ရကျိုးနပ်တယ်ဆိုရမှာပေါ့နော်။

မိန်းကလေးတွေရဲ့ စိတ်က ဆန်းသားနော်။ အသားကျတော့ ပြချင်တယ်၊ bra ကျတော့ ကြိုးလေးပေါ်တာတောင် မကြိုက်ကြဘူး။ Bikini နဲ့ကျတော့ ဘာမှမဟုတ်တဲ့အတိုင်း beachမှာ လျှောက်သွားနေသား။ ဘာရယ်မဟုတ်ဘူး။ ဒီအတိုင်းတွေးကြည့်တာ။ :D


အလှတွေ ပိုနိုင်ကြပါစေရှင်။


www.facebook.com/thanakharmay




photo credit: Michelle Phan