တစ်ယောက်နဲ့ တစ်ယောက် အဝေးမှာရှိနေပြီး ချစ်ရတာက လွယ်ကူတဲ့ ကိစ္စတော့ မဟုတ်ပါဘူး။ အနေဝေးရင် သွေးအေးတယ်ဆိုတဲ့ စကားလည်းရှိတယ်မဟုတ်လား။ ဒီကြားထဲ တစ်ယောက်နဲ့ တစ်ယောက် မတွေ့ရတော့ သံသယလေးတွေ ဝင်တတ်ပြန်ရော။
တစ်ယောက်တစ်နေရာစီ ရှိနေရတဲ့ ချစ်သူတွေ အတွက် အကွာအဝေး ဆိုတဲ့ ရန်သူတော်ကြီးကို ကို အောင်မြင်စွာ တွန်းလှန်နိုင်ဖို့ လိုအပ်တဲ့ သော့ချက်လေးတွေ ကို ဝေမျှလိုက်ပါတယ်ရှင်။
နီးခြင်း ဝေးခြင်း
"တကယ်တော့ ဒီလူကို ကိုယ်တကယ်ချစ်ရင် အကွာအဝေးဆိုတာ နံပါတ် တစ်ခုပါပဲ။" စစ်တမ်းတစ်ခုမှာ အနေဝေးတဲ့ စုံတွဲတွေဟာ အတူရှိတဲ့ လူတွေထက် ဖောက်ပြန်တဲ့ ရာခိုင်နှုန်း ပိုများမနေပါဘူး။ ဆိုလိုတာက တစ်ယောက်နဲ့ တစ်ယောက် ဘယ်လောက်ချစ်တယ်၊ တန်ဖိုးထားတာနဲ့ပဲ ဆိုင်ပါတယ်။
အချိန်ပေးပါ
ချစ်တယ်ဆို အချိန်နည်းနည်းဖဲ့ပေးပါ။ ကိုယ့်နားနေချိန်ထဲကဖြစ်ဖြစ်ပေါ့။ အခုခေတ်မှာ ပိုက်ဆံ သိပ်မကုန်ပဲ အသံကြားချင်တယ်ဆို viber ရှိတယ်၊ ရုပ်မြင်ချင်တယ်ဆို skype လည်းရှိတယ်။ အရင်ကလို အဝေးမှာနေရတာ မခက်ခဲလှပါဘူး။ အချိန်မရရင်လည်း missed call လေး အပြန်အလှန်ပေး။ သတိရတဲ့အခါဖုန်း logထုတ်ကြည့်ရတာ ကြည်နူးစရာ တစ်ခုပါပဲ။
အမုန်းတွေ မသိမ်းပါနဲ့
ရန်မဖြစ်ဖူးတဲ့ စုံတွဲရယ်လို့မရှိပါဘူး။ အနည်းနဲ့ အများတော့ဖြစ်ကြတာပါပဲ။ ရန်ဖြစ်ပြီးသွားတဲ့ အခါ၊ ရန်ဖြစ်တုန်းက သူ ပြောခဲ့တဲ့ စကားတွေကို မေ့လိုက်တာကောင်းပါတယ်။ စိတ်ဆိုးတုန်းက သူပြောခဲ့တာတွေကို တနုံ့နုံ့နဲ့ ပြန်ခံစားနေရင် ရန်ဖြစ်တစ်ခါဖြစ်တိုင်း အစိုင်အခဲ တိုးတိုးလာမှာပါ။ သူနဲ့ပတ်သက်လို့ ကိုယ့်အပေါ် ကောင်းခဲ့တာလေးတွေ ပြန် စဉ်းစားပြီး ၁ က ပြန်စလိုက်ပါနော်။
အမှတ်တရလေးတွေ ဖန်တီးပါ
လက်ဆောင်လေးတွေ ပို့လို့ရသလို၊
သူ့အတွက် အလွမ်းပြေ video file လေးတွေ လုပ်ပေးလို့ရတယ်။ နောက်မြတ်ကြည်တို့ဆို ဒီနေ့
ကြက်ဆီထမင်း ချက်မယ်ဆို ချက်နည်းကို youtube ကကြည့်၊
နှစ်ယောက်အတူတူချက်ပြီး ဓာတ်ပုံရိုက်ပြီး facebook တင်ကြတယ်။ နှစ်ယောက်နာမည်နဲ့
လှူတာတို့၊ birthday ကိတ်အတူတူခွဲတာတို့ကလည်း အမှတ်ရစရာပါ။
သံသယတွေ လျှော့ပါ
တစ်ယောက်နဲ့ တစ်ယောက်
အဝေးမှာမို့လို့ စိတ်မချရဘူး ရယ်လို့ မရှိပါဘူး။နဂိုတည်းက မတည်ငြိမ်တဲ့သူက
ဝေးဝေး နီးနီး ဖောက်ပြန်ချင်ရင် ဖောက်ပြန်မှာပါပဲ။ ယုံကြည်မှု မရှိတဲ့
relationship က ဆီမထည့်ထားတဲ့ ကားပေါ် ဝင်ထိုင်နေရသလိုပါပဲ။
ကားပေါ်မှာသာရှိတာ။ ဘာ ခရီးမှ မတွင်ပါဘူး။ နှစ်ယောက်အချစ်ကို
တန်ဖိုးထားတယ်ဆို စောင့်ထိန်းသင့်တာတွေ သူစောင့်ထိန်းပေးမှာ မို့လို့
ယုံကြည်မှု အတိုင်းအတာ တစ်ခုထိ ထားပေးလိုက်ပါနော်။
ပွင့်လင်းပါ
တစ်ယောက်နဲ့ တစ်ယောက်တွေ့ရချိန်တွေနည်းတော့ တွေ့ရင် စိတ်ချမ်းသာစရာလေးတွေပဲ ရွေးပြောချင်ကြမှာပါပဲ။ သူနဲ့ ရန်ဖြစ်ရမှာစိုးလို့ ကိုယ်က မပြောဘဲထားတဲ့ အရာတွေ က တခါတလေ အကြီးအကျယ် ဒုက္ခပေးတတ်ပါတယ်။ ပြော ပြလိုက်လို့ စိတ်ဆိုးရင် အချိန်တစ်ခုထိပဲ ခံရမှာ။ ကိုယ်ကမပြောပဲ သူ့ဘာသာ တခြားက ပြန်သိရင် သူ့အပေါ် လျှို့ဝှက်ထားတဲ့ တခြားအရာတွေများရှိဦးမလား ဆိုပြီး သူလည်း စိတ်မဖြောင့်တော့ဘူး။ ယုံကြည်မှုဆိုတာ တစ်ခါ ကြေပြီးရင် အကောင်းတိုင်းပြန့်ဖို့ သိပ်မဖြစ်နိုင်တဲ့ စက္ကူပါး တစ်ရွက်လိုပဲ။
ဖန်တီးယူပါ
Long distance relationship မှာ လည်း သူ့အချိန်အတိုင်းအတာနဲ့ သူရှိပါတယ်။ မတွေ့တော့တာ ကြာတဲ့ အခါ အေးတိအေးစက်နိုင်လာတာ အမှန်ပါပဲ။ ဒီ အခြေအနေ မှာပဲ ကျေနပ်ရင် ဇာတ်မျောကြီး နဲ့ပဲ အဆုံးသတ်သွားမှာပါ။ လက်ထပ်ဖို့အထိ ရည်ရွယ်ထားတယ်ဆို တချိန်မှာ အတူရှိနေဖို့ ကြိုးစားရမှာပါပဲ။ လက်ထပ်ဖို့ အဆင်မပြေသေးတဲ့ အခိုက်မှာလည်း တစ်ယောက်နဲ့ တစ်ယောက် အပြန်အလှန် တွေ့နိုင်ဖို့ ကြိုးစားသင့်ပါတယ်။ ကျောင်းပိတ်တဲ့ အခါ သွားတွေ့တာမျိုးပေါ့။
အကောင်းမြင်ပါ
အခုချိန်
ခဏဝေးရတာဟာ တချိန်မှာ အမြဲတူတူရှိနိုင်ဖို့ဆိုတာလေး မှတ်ထားရင် စိတ်အတွက်
ခွန်အားဖြစ်စေမှာပါ။ ဘယ်သူမဆို ဘယ်ခွဲနေချင်ပါ့မလဲနော်။
ဒါပေမယ့် ဝေးနေတဲ့ အချိန်မှာ ခိုင်မြဲတဲ့ အချစ်ဟာ ပိုတန်ဖိုးရှိပါတယ်။ သူ
တကယ် ချစ်မချစ် စမ်းသပ်ဖို့ အခွင့်အရေး ဘုရားကပေးတာလို့လည်း
မှတ်လို့ရတာပါပဲ။း)
မြတ်ကြည်တို့လည်း long distance နဲ့ အချိန်အကြာကြီး ဖြတ်သန်းခဲ့ပါတယ်။
အခုလည်း ဖြတ်သန်းနေရတုန်းပါပဲ။ Long distance နဲ့ အထူးဇွဲဆု ဆွတ်ခူးမယ့် သူတွေလေ။ :P
သာယာ ပျော်ရွှင်ဖွယ် နေ့ရက်တွေကို ချစ်ရသူနဲ့ အတူ ဖြတ်သန်း နိုင်ကြပါရှင်။
www.facebook.com/thanakharmay