ညာတယ်၊ မညာဘူး (Truth or Lie)

By 8:25 PM

အလိမ်အအညာတွေပေါတဲ့ ဒီခေတ်ကြီးမှာ ကိုယ့်ကို ညာနေတာလား ကြည့်တတ်ဖို့ လိုပါတယ်။ ဒီဆောင်းပါးလေးက ပျိုပျို တို့အတွက် သာမက ကိုကို တွေအတွက်ပါ အသုံးဝင်မှာပါ။
နားပါးဖို့၊ မျက်စိလျင်ဖို့တော့ လိုမယ်နော်။












1) လက် (ဘယ်ဆီ ဘယ်ဝယ်)

ဟိုးကလေးဘဝတုန်းက မပြောသင့်တာပြောမိပြီဆို ပါးစပ်ကို လက်နဲ့ အလန့်တကြား လှမ်းအုပ်မိကြတယ်။ အသက်ကြီးလာတဲ့ အခါကျတော့၊ ပါးစပ်ကို လက်နဲ့မအုပ်မိပေမယ့်၊ မသိစိတ်က မျက်နှာကိုလက်နဲ့ကိုင်တာတို့၊ နှာခေါင်းပွတ်တာတို့ လုပ်တတ်ကြတယ်။

2) ပေကလပ် ပေကလပ် မျက်လုံး

မဟုတ်တာပြောနေတဲ့သူဟာ သာမန်အချိန်ထက် မျက်တောင်ပိုခတ် သလို  အကြည့်ကို လည်း လွှဲတတ်ကြတယ်။

3)ဘယ်လိုပြုံး

သာမန်လူ  ပြုံးရင်ရယ်ရင် မျက်နှာတစ်ခုလုံး (အထူးသဖြင့် မျက်လုံး) ပါလိုက်ပြုံး တယ်။ ညာနေတဲ့ သူ ကို ကြည့်ရင်၊ နှုတ်ခမ်းတစ်ခုတည်း ပြုံးတာ တွေ့ရမှာပါ။

4)လုံအောင်ပုန်း

လိမ်နေတဲ့ အချိန်မှာ သူ့မသိစိတ်ထဲမှာ ကြောက် နေတာ လေ။ ငယ်ငယ် က ဆို အရိုက်မခံရအအောင် စားပွဲအောက်တွေ ဘာတွေ ဝင်ပုန်းဖူးမှာပေါ့။ အသက်လည်းရင့်လာရော၊ ကိုယ့်ကိုယ်ကို ကာကွယ်ဖို့ မသိစိတ်က  လက်ပိုက်ထား တာတို့ ပစ္စည်းတစ်ခုခု ကိုယ့်ရှေ့မှာယူ ထားတာ (ဥပမာ - ကော်ဖီခွက်ကိုင်တာ) တို့ကို လုပ်မိကြတယ်။

5) အသံတိတ်ရင် ကြောက် ကြောက်

စကားပြောနေရင်းနဲ့ ရုတ်ခြည်း ခဏလောက်နားပြီး အကဲခက်ကြည့်။ သူ့စိတ်က မသိုးမသန့်ဖြစ်ပြီး၊ စကားတွေ လျှောက်ပြောလာလိမ့်မယ်။

6) ထွင်လုံး

သူ အကြောင်းပြချက်တွေကို သာမန် လိုအပ်တာထက် ဋ္ဌီကာချဲ့ပြီး အသေးစိတ်လျှောက်ပြောနေရင်၊ အဲဒါက လုပ်ကြံဇာတ်ကြီး ဆိုတာ သိပါ။

7) ခေါင်းစဉ်ပြောင်းရင် ပျော်တယ်

ကိုယ်က အဲဒီအကြောင်း ထပ်မမေးတော့ပဲ တခြားအကြောင်းပြောင်းလိုက်ရင်၊ သူ့အမူအရာတွေ တမဟုတ်ချင်း ရွှန်းရွှန်းဝေ ဖြစ်သွားရင်တော့၊ သေချာပါပြီ။ ပုဒ်မ၄၂၀ နဲ့သူ့ကို ကြိုက်သလိုသာစီရင်လိုက်ပေတော့။

ငယ်ငယ်က Pinocchioကာတွန်းလေးကို အောက်မေ့မိပါရဲ့



You Might Also Like

0 comments