ကိုယ်တစ်နေ့ စားသုံးလိုက်တဲ့ အစာစွမ်းအင်ဟာ၊ လှုပ်ရှားမှုလုပ်ရင် ကုန်တဲ့ ပမာဏထက် ကျော်လွန်ခဲ့ရင် အဆီနဲ့ အာဟာရအဖြစ် သိမ်းထားပြီး၊ လှုပ်ရှားမှုက စားထားတဲ့ ပမာဏကို ကျော်လွန်သွားရင်၊ သိမ်းထားတဲ့ အဆီ နဲ့ အာဟာရတွေကို ခြေဖျက်ပြီး ပြန်ထုတ်ပေးပါတယ်။ Calorie ဝင်တဲ့ ပမာဏဟာ လောင်ကျွမ်းတာထက် များလာတဲ့အခါ ဝလာတာပါပဲ..

ဝိတ်လျှော့ချင်တဲ့ သူများအနေနဲ့ တစ်နေ့လိုအပ်တဲ့ စွမ်းအင်ပမာဏထက် လျှော့စားမယ်၊ စားတဲ့ပမာဏထက် လှုပ်ရှားမှုပိုလုပ်ပေးမယ်ဆို လိုချင်တဲ့ အလေးချိန်ရဖို့ကျိန်းသေပါပဲ။ကိုယ် တစ်နေ့တာလိုအပ်တဲ့ စွမ်းအင်နဲ့ အာဟာရ ပမာဏကို တွက်ကြည့်မယ်ဆိုရင် http://nutritiondata.self.com/tools/calories-burned မှာတွက်ကြည့်လို့ရပါတယ်။ ကျွန်မအတွက် တွက်ချက်ထားတဲ့ လိုအပ်တဲ့ စွမ်းအင်က 1960kcal  ပါ။

အသား (protein) တစ် ဂရမ်ကို 4kcal၊ အဆီ (fat) တစ်ဂရမ် ကို 9 kcal နဲ့ ကစီ (carbohydrate ဆန်၊ဂျုံ၊ ပြောင်း၊ သကြား) တစ်ဂရမ်ကို 4kcal ရှိပါတယ်။ ရေမှာက 0 kcal ကယ်လိုရီပါ။ ယခုအခါ ဝယ်သမျှ အစားအသောက်တိုင်းမှာ ကယ်လိုရီ တွက်ချက်ပြီးသား ပါပြီးသားမို့၊ သိပ်မခက်ခဲလှတော့ပါဘူး။ ကယ်လိုရီနည်းတဲ့ အစားအစာတွေလည်း အတော်အသင့် ပေါ်နေပြီဆိုတော့ ရွေးချယ်ရပိုပြီး လွယ်သွားပါတယ်။ Coca-cola Zero မှာဆို တစ်ဘူးလုံးသောက်မှာ ရတဲ့ ကယ်လိုရီ 0.75 kcal သာရှိပါတယ်။


တချို့တွေ  ဘယ်လောက်စားစား ဝ မလာဘူး ဆိုတဲ့ ဘုရားပေးတဲ့ဆုနဲ့ ပြည့်တဲ့သူတွေရှိပါတယ်။ သူတို့မှာထူးခြားချက်က ဒီတိုင်း ထိုင်နေရင်တောင် အခြေခံ ကယ်လိုရီလောင်ကျွမ်းနှုန်း (basal metabolic rate- BMR) က သူများထက် သိသိသာသာ မြင့်နေတာမျိုးပေါ့။ သိုင်းရွိုက် ဟော်မုန်းများတဲ့သူတွေမှာတွေ့ရတတ်ပါတယ်။ BMR ကို ကိုယ့်ဘာသာ မြှင့်ပေးလို့လည်းရပါတယ်။ အဲဒါကတော့ ကြွက်သား muscle tone တက်အောင် အလေးနဲ့ဆော့တာပါ။ ကြွက်သားပိုရှိတဲ့သူတွေဟာ ရိုးရိုးလူတွေထက် BMR ပိုမြင့်ကြပါတယ်။ ရေများများ သောက်ပေးတာလည်း ကယ်လိုရီလောင်ကျွမ်းတဲ့နေရာမှာ အထောက်အကူဖြစ်စေပါတယ်။

 တချို့ကျတော့ ငယ်ငယ်က ဘယ်လောက်စားစား မဝပေမယ့် ၃၀ ကျော်လာတာနဲ့ အရင်က ပုံမှန်စားသလိုစားပေမယ့်လည်း ဝ တက် လာကြတာကြုံဖူးမှာပါ။ ဘာလို့လည်းဆိုတော့ BMR နှေးသွားလို့ပါပဲ။ ငယ်တုန်းအရွယ်မှာ ခန္ဒာကိုယ် တည်ဆောက်တဲ့ကာလဖြစ်တာက တစ်ကြောင်း၊ အသက်ကြီးသူတွေထက် ကြွက်သားပမာဏများတာက တစ်ကြောင်း ကယ်လိုရီလောင်ကျွမ်းတာ မြင့်ကြပါတယ်။ အသက်ကြီးလာတာနဲ့အမျှ တည်ဆောက်တာတွေနည်းသွားပြီး၊ ကြွက်သား muscle bulk လည်း နည်းသွားတာကြောင့်၊ အဆီတွေ ပိုစုလာပါတယ်။